Howa တိုက်ပွဲတွင် မြန်မာ စစ်တပ်မှ ဗိုလ် ၂ ဦးကျ၊ စစ်ကြောင်းမှုး ထိခိုက်

Howa တိုက်ပွဲတွင် မြန်မာ စစ်တပ်မှ ဗိုလ် ၂ ဦးကျ၊ စစ်ကြောင်းမှုး ထိခိုက်

သောကြာနေ့ ရှမ်းမြောက် Mungbaw (မုံဘော်)၊ Howa Bum ရွာဟောင်းမှာ ကချင် လွတ်လပ်ရေး တပ်မတော် KIA တပ်ရင်း ၃၆ နှင့် ဖြစ်ပွားခဲ့သော တိုက်ပွဲတွင်း မြန်မာစစ်တပ်မှ ဗိုလ် ၂ ဦးကျဆုံးပြီး စစ်ကြောင်းမှုး ပြင်းထန်စွာ ထိခိုက်ဒဏ်ရာ ရရှိခဲ့ကြောင်း သိရသည်။

တိုက်ပွဲအပြီး ၃ ရက် အကြာ ယနေ့ တနင်္ဂနွေနေ့မှ ဒဏ်ရာ ရရှိသူ ၂ ဦးကို ထုတ်ယူနိုင်ခဲ့ကြောင်း သိရသည်။

၎င်း ထိခိုက်သေဆုံးသည့် စစ်သားများသည် Mungbaw (မုံဘော်)၊ Mai Hpang (မိုင်ဖန်) အခြေစိုက် တပ်မ ၁၁ လက်အောက်ခံ ခမရ ၂၁၂ မှ ဖြစ်ကြောင်း KIA တပ်မဟာ ၆ မှ အတည်ပြု ပြောပါသည်။

အဆိုပါ စစ်ကြောင်း သည် မတ်လ ၂၄ ရက် သောကြာနေ့ Manping (မန်ပင်း)မှ Howa Bum ရွာဟောင်း ဘက်ကို တက်လာစဉ် KIA တပ်မဟာ ၆ တပ်ရင်း ၃၆ နှင့် ထိတွေ့ တိုက်ပွဲ ဖြစ်ပွားခဲ့ခြင်း ဖြစ်သည်။

မြန်မာစစ်တပ်ဘက် အထိအခိုက် များပြားခဲ့သဖြင့် ၎င်းတို့ စခန်း ဘက်ကို ပြန်လည် နောက်ဆုတ်သွားသည်။ စနေနေ့ ထပ်မံပြီး သေဆုံး ထိခိုက်သူများကို သယ်ယူရန် တက်လာစဉ် KIA တပ်ရင်း ၃၆ တပ်များနှင့် ၁ နာရီခန့် တိုက်ပွဲ ဖြစ်ပွားခဲ့သည်။ သို့သော်လည်း ရည်ရွယ်ချက် မအောင်မြင်ဘဲ ထပ်မံ နောက်ဆုတ်ခဲ့ရသည်။

MNDAA ကိုးကန့် ဒေသမှာ KIA ပါဝင်သော မြောက်ပိုင်း မဟာမိတ် တပ်ပေါင်းစု (Northern Alliance – Burma) နှင့် မြန်မာ စစ်တပ် ကြား ပြီးခဲ့သည့် ဖေဖော်ဝါရီလ မှ စတင်ပြီး နေ့စဉ် တိုက်ပွဲ ပြင်းထန်စွာ ဖြစ်ပွားနေပါသည်။

ရှမ်းပြည် အရှေ့ပိုင်း ကိုးကန့် ဒေသ နှင့် သံလွင်မြစ်သာ ခြားသည့် ကချင် လွတ်လပ်ရေး တပ်မတော် KIA တပ်မဟာ ၆ Munggu (မုံကိုး) ဒေသ ဘက်ကိုလည်း မြန်မာစစ်တပ် ၏ စစ်ရေး လှုပ်ရှားမှု အခြေအနေပေါ် မူတည်ပြီး တိုက်ပွဲ ပြန်များလာ နိုင်ကြောင်းကို KIA တပ်မဟာ ၆ နှင့် ဒေသခံများ ပြောပါသည်။

NCA လက်မှတ် ထိုးရန် ကချင်လူထု ခေါင်းဆောင်များ ကို ဒေါ် အောင်ဆန်းစုကြည် တိုက်တွန်း

ကချင်ပြည်နယ် မြစ်ကြီးနားမြို့ကို ရောက်ရှိနေသည့် နိုင်ငံတော်၏ အတိုင်ပင်ခံ ပုဂ္ဂိုလ် ဒေါ် အောင်ဆန်းစုကြည် က တစ်နိုင်ငံလုံး အပစ်ရပ်လက်မှတ် NCA အမြန်ထိုးရန် ကချင်လူထု ခေါင်းဆောင်များကို ယနေ့ တိုက်တွန်း ပြောဆိုခဲ့ကြောင်း သိရသည်။

မနက်ပိုင်း ဒေါ်အောင်ဆန်းစုကြည် နှင့် ကချင်လူထု ခေါင်းဆောင်များ မြစ်ကြီးနား Palm Spring Hotel တွေ့ဆုံမှုတွင် ပါဝင်ခဲ့သော Htoi Gender အဖွဲ့မှ ဒေါ် နန်ပူ က ယခုလို ပြန် ပြောပြသည်။

“NCA လက်မှတ် အကုန် အမြန်ထိုးဖို့ လိုလားတယ်။ NLD အစိုးရအနေနဲ့ ကတော့ အရင်အစိုးရ လုပ်ခဲ့တဲ့ NCA နည်းလမ်း မှန်တဲ့အတွက် အဲဒီလမ်းကြောင်းအတိုင်း လိုက်နေတာဖြစ်တယ်ဆိုပြီးပြောတယ်။ ပြီးတော့ လျော့သင့်တဲ့ မာနလျော့ဖို့၊ လွတ်သင့်တဲ့ အပြစ်လွတ်ဖို့ ဒါတွေ ပြောသွားတာပါ”

ကချင်လူထု ခေါင်းဆောင်များမှ လည်း တိုက်ပွဲ ရပ်တန့်ဖို့၊ စစ်ပြေးဒုက္ခသည် အရေး၊ မူးယစ်ဆေးဝါး အရေး စသည်တို့ကို တင်ပြခဲ့ကြောင်း သိရသည်။

တွေ့ဆုံမှုမှာ အစိုးရဘက် နိုင်ငံတော် အတိုင်ပင်ခံ ပုဂ္ဂိုလ် နှင့်အတူ ပြည်ထဲရေး နှင့် နယ်စပ်ရေးရာ ၀န်ကြီးဌာန တာဝန်ရှိများ၊ ငြိမ်းချမ်းရေးအဖွဲ့ တာဝန်ရှိသူများ ပါဝင်ပြီး ကချင်လူထုဘက်မှ ဘာသာရေးခေါင်းဆောင်များ၊ ကချင် အမျိုးသား အတိုင်ပင်ခံအဖွဲ့၊ အမျိုးသမီးအဖွဲ့၊ စစ်ပြေးဒုက္ခသည် ကူညီရေးအဖွဲ့၊ လူထု မူးယစ် ဆေးဝါး တိုက်ဖျက်ရေး အဖွဲ့ စုစုပေါင်း အယောက် ၂၀ ကျော် တက်ရောက်ခဲ့ကြောင်း သိရသည်။

ထို့နောက် မွန်းလွဲပိုင်းတွင် ဒေါ်အောင်ဆန်းစုကြည်မှ ဝိုင်းမော် ကချင်နှစ်ခြင်းခရစ်ယာန် အဖွဲ့ချုပ် KBC စစ်ရှောင်စခန်း နှင့် ခတ်ချို စစ်ရှောင် စခန်း ၂ ကို သွားရောက်ခဲ့ကြောင်း သိရသည်။

ကေအဲန်ဂျီ