ကျော်ဟိန်းပဲ သိတယ်

ကျော်ဟိန်းပဲ သိတယ်

=========

အမေရိကန်ဟာ လူမျိုးပေါင်းစုံ စုပေါင်း စပ်ပေါင်းထားတဲ့ နိုင်ငံ ဖြစ်တယ် ။

သမ္မတဟောင်း အိုဘားမားကို ကြည့်မလား ။

သမ္မတသစ် ဒေါ်နယ်လ်ထရန့်ကို ကြည့်မလား ။

သာမန် လူတွေကို ကြည့်မလား ။ အားလုံးဟာ

Racial Globalization era ခေတ်ကို ရောက်ခဲ့ ကြပြီ ။

ကျနော်တို့ မြန်မာနိုင်ငံကို ပြန်ကြည့်လိုက်

ဗိုလ်ချုပ်လည်း racial mixed ဖြစ်ခဲ့တယ် ။

ဗိုလ်ချုပ်ရဲ့ ဖခင် ရှေ့နေ ဦးဖါကို ၀ီကီပီးဒီးယားမှာ

ချင်း - မြန်မာ ရှေ့နေ တစ်ဦးလို့ ဆိုထားတယ် ။

ဒေါ်ခင်ကြည်လည်း racial mixed ဖြစ်ခဲ့တယ် ။

ဒေါ်ခင်ကြည် ဖခင်ကိုတောင် ခရစ်ယာန် ဖြစ်ခဲ့တယ်လို့လဲ

မရေမရာ လှစ်ပြ ထားတယ် ။ တို့လည်း သေချာ မသိဘူးလေ ။

သေချာချင်ရင်တော့ နိုင်ငံတော် အတိုင်ပင်ခံကို မေးကြည့်မှ ရမယ် ။

ကျနော် အပါအ၀င် သူငယ်ချင်းတွေ အားလုံး ပြန်ကြည့်တယ် ။

အားလုံး နှစ်မျိုးစပ် သုံးမျိုးစပ်တွေ ချည်းပဲ ။

အမေရိကန်ကျတော့ နိုင်ငံသား အားလုံးကို Americanလို့

ခေါ်ကြတယ် ။ ဘာမှ ပြသနာ မဖြစ်ဘူး ။

ကျနော် မြန်မာနိုင်ငံကျတော့ မြန်မာလို့ ခေါ်လည်း အဆင်မပြေဘူး ။

ဗမာ ဆိုရင်လည်း ပြသနာ ရှိတယ် ။ အင်္ဂလိပ်လို့ Myanmar ဆိုလည်း

ပြသနာ ရှိတယ် ။ ဘာကြောင့်လဲလို့ စဉ်းစားရင်း

တောထဲမှာ နေတုန်းက ဟာသလေး တစ်ခုကို သွား သတိ ရတယ် ။

မွန်ရွာတွေမှာ ရုပ်ရှင် ကြေငြာတာ့ ကြေငြာတဲ့ သူက

မြန်မာ စကားကို သိပ်ပြီး လည်လည် ၀ယ်ဝယ် မရှိဘူး ။

ပြမဲ့ကားက .. " ပန်းမမ လှဧကရီ " .. မင်းသားက ကျော်ဟိန်း နှစ်ကိုယ်ခွဲ ၊

သူက အသံဝဲ၀ဲနဲ့ အားပါးတရ ကြေငြာနေတုန်း နှစ်ကိုယ်ခွဲ ဆိုတဲ့

မြန်မာ စကားကို မေ့သွားပုံ ရတယ် ။ သူ အော်ပြီး ကြေငြာ လိုက်ပုံက

ဟေ့ .. မိတ်ချွေတို့ .. တို့ ညကား ကောင်းတယ် နော် .. လာကြည့် ကြနော် ။

ပန်းမမ လှအေးကရီ(ရယ်) .. ကျော်ဟိန်း ……. နှစ်ခု လုပ်ထား ။

ကောင်းမှကောင်း … နော် ..

အခုလည်း ဗမာနဲ့ မြန်မာကို နှစ်ခု လုပ်ထားတဲ့ ကိစ္စကို

လွှတ်တော်က ပြန်လည် စီစစ်ပြီး အဓိပါယ် ဖွင့်ဆိုချက် အပြည့်အစုံနဲ့

ဖွဲ့စည်းပုံမှာ ပိုပြီး ရှင်းရှင်း လင်းလင်း ပြန်လည် ပြဌါန်းဖို့ မလိုဘူးလား ။

ခုရှူပ် နောင်ရှင်းမဲ့ အစား အခု ရှင်းမှ နောင် မရှူပ်မှာကို

ကျော်ဟိန်းပဲ သိတယ်လေ ။

သူက တကိုယ်ထဲက နေပြီး ဒါရိုက်တာ အလိုကျ

နှစ်ကိုယ် ခွဲပြီး သရုပ် ပေးရ သူမို့ ပါ ။

ကိုကိုဦး